विजेच्या धक्क्याने खेडलेझुंगेत मोर मृत्युमुखी. पक्षी प्रेमींमध्ये हळहळ
विजेच्या धक्क्याने खेडलेझुंगेत मोर मृत्युमुखी.
पक्षी प्रेमींमध्ये हळहळ
प्रतिनिधी/निफाड
निफाड तालुक्यातील खेडलेझुंगे येथे विजेचा(रोहित्राचा) शॉक लागून राष्ट्रीय पक्षी मोराचा मृत्यू झाला.मोर मृत्यू झाल्याची वन विभागाला माहिती मिळताच वनविभाचे कर्मचारी यांनी खेडलेझुंगे येथे घटनास्थळी धाव घेऊन मृत मोराला ताब्यात घेतले.
याबाबत सविस्तर माहिती अशी की निफाड तालुक्यातील खेडलेझुंगे येथील शेतकरी सुभाष घोटेकर हे सकाळी शेताध्ये काम करण्यासाठी गेले असता त्यांना दिलीप घोटेकर यांच्या शेतातील रोहित्रावर राष्ट्रीय पक्षी मोर मृतावस्थेत दिसून आला असता सुभाष घोटेकर यांनी त्वरित मृत मोराची माहिती सतीश शिंदे आणि वनपाल भगवान जाधव यांना दिली.त्यानुसार सतीश शिंदे यांनी तातडीने रोहित्राचा विद्युत पुरवठा बंद केला.वनविभाचे वनपाल जाधव यांनी वनमजूर सादिक शेख आणि वाहन चालक सागर दुशिंग यांना घटनास्थळी तातडीने रवाना केले.वनविभागाचे कर्मचारी आल्यानंतर रोहित्रवरून मोराचे शव खाली घेण्यात आले.वन विभागाच्या कर्मचाऱ्यांनी सदरचे शव ताब्यात घेऊन निफाड येथील रोपवाटिके मध्ये राष्ट्रीय पक्षी मोराचे दहन करण्यात आले.
यावेळी पक्षीप्रेमी व शेतकरी मोहन घोटेकर,सुभाष घोटेकर,संपत जाधव,योगेश तासकर,माधव घोटेकर, संदीप घोटेकर,कुणाल घोटेकर,गौरव घोटेकर,अभय घोटेकर,निर्भय घोटेकर,विष्णू घोटेकर,प्रदीप घोटेकर,वन मजूर सादिक शेख,वाहन चालक सागर दुशिंग आदींसह शेतकरी उपस्थित होते.
