ठाणगाव मार्गे सिन्नर कसारा बसचे उत्स्फूर्त स्वागत:  ग्रामीण भागातील विद्यार्थी, शेतकऱ्यांना मिळाले हक्काचे वाहन 

ठाणगाव मार्गे सिन्नर कसारा बसचे उत्स्फूर्त स्वागत:

 ग्रामीण भागातील विद्यार्थी, शेतकऱ्यांना मिळाले हक्काचे वाहन 

सिन्नर प्रतिनिधी

ठाणगाव मार्गे सिन्नर कसारा एसटी बसचे जनसेवा सेवाभावी संस्थेकडून मोठ्या उत्साहात स्वागत, करण्यात आले.कार्यक्रम जनसेवेचे संस्थापक अध्यक्ष व भारतीय जनता पार्टीचे तालुका सरचिटणीस रामदास भोर यांच्या प्रमुख उपस्थितीत कार्यक्रम पार पडला. रामदास भोर, प्रगतशील शेतकरी वसंतराव आव्हाड, गौतम काकड यांच्या हस्ते बस वाहक दत्तू सांगळे व चालक आनंद गडकर यांचा श्रीफळ, शाल व पुष्पगुच्छ देऊन सत्कार करण्यात आला. सिन्नर कसारा एसटी बस चालू केल्याबद्दल, प्रवाशांमध्ये आनंदाचे वातावरण बघायला मिळाले.सिन्नर, ठाणगाव,केळी सांगवी, एकदरा, पाडोशी टाकेद, पिंपळगाव मोर, घोटी, इगतपुरी, या ग्रामीण परिसरातील शालेय विद्यार्थी नागरिक मोठ्या संख्येने प्रवास करतात.शेतकरी आपला भाजीपाला घोटी इगतपुरी या ठिकाणी घेऊन जातात.एसटी बस चालू केल्याबद्दल शेतकऱ्यांनी एसटी बस अधिकाऱ्यांचे आभार मानले. यावेळी एसटी बस स्वागत करताना, जनसेवा सेवाभावी संस्था संस्थापक अध्यक्ष रामदास भोर, प्रगतशील शेतकरी वसंतराव पवार, गौतम काकड, राजेंद्र कांगणे, विजय काकड, संतोष शिंदे, अशोक हेलन, गोपीनाथ प्रतिष्ठानचे अध्यक्ष राजेंद्र काकड, बाळासाहेब काकड, सुदाम भालेराव, गोपीनाथ आव्हाड, किसन आंधळे, किसन काकड, मिथुन आव्हाड, मोठ्या संख्येने प्रवासी उपस्थित होते.