संगमनेर नगरपालिका निवडणूक : ‘संगमनेर सेवा समिती’कडून नगराध्यक्षांसह १५ प्रभागातील उमेदवारांची घोषणा

संगमनेर नगरपालिका निवडणूक : ‘संगमनेर सेवा समिती’कडून नगराध्यक्षांसह १५ प्रभागातील उमेदवारांची घोषणा

संगमनेर –प्रतिनिधी

आगामी नगरपालिका निवडणुकीसाठी ‘संगमनेर सेवा समिती’ या नव्या स्थानिक आघाडीकडून नगराध्यक्ष पदासाठी डॉ. मैथिली तांबे यांच्या नावाची घोषणा करण्यात आली. तर १५ प्रभागांसाठी ३० उमेदवारांची पहिली यादी जाहीर करण्यात आली आहे . यामध्ये ११ अनुभवी तर १९ नव्या चेहऱ्यांना संधी देण्यात आली आहे.

पत्रकार परिषदेत बोलताना सत्यजित तांबे यांनी म्हटलं की,“संगमनेरचे राजकारण गेल्या काही वर्षांत आक्रमक व विस्कळीत दिशेकडे गेले आहे. आता राजकारणाच्या पलीकडे जाऊन संगमनेरकरांनी एकत्र यावे, म्हणून ‘संगमनेर सेवा समिती’ची स्थापना केली.”

संगमनेर 2.0 – पाच वर्षांचा रोडमॅप, ५० वर्षांचा व्हिजन

शहराचा पुढील ५० वर्षांचा दृष्टीकोन निर्धारीत करून नियोजनबद्ध विकास करण्याचा संकल्प समितीने केला.

100 दिवसांचा आराखडा, 1 वर्षाचे लक्ष्य, 5 वर्षांची कामांची बांधिलकी या पद्धतीचा जाहीरनामा २२ नोव्हेंबरला जाहीर करणार असल्याचेही ते म्हणाले.

संगमनेर सेवा समितीच्या एकूण भूमिकेच्या संदर्भात ६,००० पेक्षा जास्त नागरिकांकडून ऑनलाईन सूचना प्राप्त झाल्या असून बिगरराजकीय नागरिक, विविध क्षेत्रातील तज्ज्ञांचा सहभाग वाढविण्याची भूमिका असल्याचे ते म्हणाले.

नगराध्यक्ष पदासाठी डॉ. मैथिली तांबे 

“माझ्या व्हिजनला पुढे नेणारी सर्वात योग्य व्यक्ती म्हणून डॉ. मैथिली तांबे यांना ही उमेदवारी देण्याचा निर्णय सेवा समितीने घेतला असे आ. सत्यजित तांबे यांनी स्पष्ट केले. मैथिली तांबे या बीडीएस असून त्यांनी बालशिक्षण आणि सामाजिक क्षेत्रात दीर्घकाळ काम केले आहे.

उमेदवारांची निवड  यादी जाहीर

समितीकडून प्रभागनिहाय ३० उमेदवारांची घोषणा करण्यात आली. विविध राखीव गटातील उमेदवारांना प्राधान्य देत अनुभवी व नव्या कार्यकर्त्यांचा मेळ साधण्यात आला.

*जाहीर झालेले उमेदवार*

प्रभाग 1 : सीमा खटाटे,दिलीप सहदेव पुंड

प्रभाग 2 : भारत बोराडे (SC), अर्चना दिघे

प्रभाग 3 : सौरभ कासार, शोभा पवार

प्रभाग 4 : प्राची काशीद, किशोर पवार

प्रभाग 5 : अनुराधा सातपुते, विश्वासराव मुर्तडक

प्रभाग 6 : वनिता गाढे, गजेंद्र अभंग

प्रभाग 7 : मालती डाके, नितीन अभंग

प्रभाग 8 : दिपाली पंचारिया, श्रीगणेश गुंजाळ

प्रभाग 9 : अहमद पठाण, विजया गुंजाळ

प्रभाग 10 : शकीला बेग, नुरमोहम्मद शेख

प्रभाग 11 : डॉ. सरोजना पगडाल, शहाणवाज खान

प्रभाग 12 : किशोर टोकसे, प्रियंका शाह

प्रभाग 13 : कविता कतारी, शैलेश कलंत्री

प्रभाग 14 : नंदा गरुडकर, प्रसाद पवार

प्रभाग 15 : मुजीब पठाण, नशिमबानो पठाण

*‘कोणताही उमेदवार ठेकेदारी करणार नाही’ – लेखी प्रतिज्ञापत्र* 

प्रत्येक उमेदवाराकडून नगरपालिकेच्या कुठल्याही ठेक्यात प्रत्यक्ष-अप्रत्यक्ष सहभाग शून्य ठेवण्याचे लेखी बंधन.

चारित्र्य, सामाजिक काम, लोकप्रियता या निकषांनुसार निवड.

जे नाराज आहेत त्यांची मनधरणी केली जाणार.

नगरपालिका कार्यप्रणालीवर टीका:

मागील दोन वर्षांत शहरातील रस्त्यांची अवस्था बिकट

“निधी आचारसंहिता लागू झाल्यावर मंजूर झाला, पण खात्यात एक रुपयाही पडलेला नाही,” असा आरोप

माहिती अधिकारातून मिळालेल्या माहितीवरून केला जात असल्याने त्याचा तपास करण्याचे आव्हान तांबे यांनी दिले.

• निवडणूक चिन्ह : ‘सिंह’

निवडणूक आयोगाच्या गुंतागुंतीच्या नियमांमुळे समितीने ऑल इंडिया फॉरवर्ड ब्लॉक या राष्ट्रीय पक्षाचे ‘सिंह’ चिन्ह स्वीकारले आहे.

सत्यजित तांबे यांची भूमिका

 

“कोणीही निवडणूक लढो, मी लोकशाहीचा आदर करतो.”

“संगमनेरकरांचा माझ्यावर विश्वास आहे. चांगल्या पद्धतीने काम करून दाखवणार.”

“माझी इच्छा वर्षांपूर्वीपासून नगरविकासासाठी होती; आता पत्नी उमेदवार म्हणून समोर आहेत.”