अमेरिकन नागरिकांची संगणकाद्वारे फसवणूक करणाऱ्या कॉल सेंटर सायबर पोलीस ठाण्याकडून उध्वस्त; सहाय्यक पोलिस आयुक्त मिटके यांच्या नेतृत्वात राबवली मोहीम ; संशयितांना ४ दिवसांची कोठडी;

सहाय्यक पोलिस आयुक्त मिटके यांच्या नेतृत्वात राबवली मोहीम ; संशयितांना ४ दिवसांची कोठडी;

नाशिक प्रतिनिधी

इंटरनेटद्वारे बनावट संदेश पाठवून अमेरिकन नागरिकांना कोट्यावधी रुपयांना गंडा घालणाऱ्या सायबर गुन्हेगार टोळीचा शहर सायबर पोलिसांनी पर्दाफाश करून कॉल सेंटर उध्वस्त केले आहे. सहाय्यक पोलिस आयुक्त गुन्हे शाखा संदीप मिटके यांच्या नेतृत्वात सायबर सेलच्या पथकाने ही कामगिरी केली.

दिनांक २८ जानेवारी २०२५ रोजी सायबर पोलीस ठाण्याला गोपनीय लेखी  तक्रार प्राप्त झाली होती की, अश्विन नगर, नाशिक या परिसरामध्ये परदेशी नागरिकांना इंटरनेटद्वारे बनावट संदेश पाठवून त्यांचे संगणकामध्ये बिघाड करून तो दुरूस्ती करण्याचे नावाखाली २०० ते २००० डॉलर वसुल करणाऱ्यासाठी कॉल सेंटर सुरू आहे.

सदर मिळालेल्या माहितीनुसार सायबर पोलीस ठाण्याचे पोलीस अधिकारी व अंमलदार यांनी प्राप्त झालेल्या माहितीचे विश्लेषन करून जागा लक्ष्य निश्चीत करण्यात आले. अत्यंत गोपनीयरित्या दिनांक १३/२/२०२५ रोजी रात्री २२.३० वाजता प्लॉट नंबर ६६, जानकी बंगला, भुमी अपार्टमेंटसमोर, अश्विन नगर, नाशिक येथे दोन लायक पंचांसह जावून पाहणी करण्यात आली.

सदर बंगल्यामध्ये प्रथम मजल्यावर जावून पाहणी केली असता लक्षात येणार नाही अशा प्रकारे दरवाजा असलेल्या ठिकाणी शोध घेण्यात आला. तसेच आत देखील बुक शेल्फ वाटेल असा दरवाजा बनवून त्याठिकाणी शोध लागणार नाही अशी व्यवस्था केलेली असताना सायबर पोलीस ठाण्याचे पोलीस अधिकारी व अंमलदार यांनी अत्यंत बारकाईने निरीक्षण  करून तो दरवाजा शोधून काढला. आत पाहणी केली असता पाच पुरूष व एक महिला १२ लॅपटॉप, सर्वर व १३ मोबाईलसह कॉल सेंटर चालविताना दिसून आले. त्यांचे कामकाज समजावून घेतल्यानंतर ते अमेरिकन नागरिकांना त्यांचे संगणकावर मायक्रोसॉफ्ट व अॅपल या कंपनीकडून आलेले असे भासणारे संगणकामध्ये बिघाड झाल्याचे अथवा गंभीर व्हायरस आक्रमण झाल्याचे नोटीफीकेशन पाठवित होते व त्यामध्ये त्यांना या फोन +१८४४८४४९७३६ या फोन क्रमांकावर फोन करण्याचे सांगत कॉलसेंटरमधुन संगणकामधील बिघाड दुर करण्याकरिता कमीत कमी २०० ते २००० डॉलर्सचे गिफ्ट व्हाऊचर्स जवळच्या दुकानातुन खरेदी करण्यास व त्या व्हाऊचरवरील क्रमांक कळविण्यास व्हीओआयपी कॉलवरून सांगत होते. अशा प्रकारे त्यांनी डिसेंबर २०२३ ते आजपावेतो सुमारे १००-१५० अमेरिकन नागरिकांची अंदाजे २.४०,००० डॉलरची फसवणुक केल्याचे निष्पन्न झाले
याबाबत वरिष्ठांना माहिती देवून सर्व लॅपटॉप, मोबाईल, सर्वर व रोख रक्कम रू.४७,६००/- इत्यादी यांची नोंद घेवून पंचनामा करण्यात आला. तेथे काम करणाऱ्या सर्व इसमांना ताब्यात  घेवून पोलीस ठाण्याला आणण्यात आले.
सरकार तर्फे सायबर पोलीस ठाणे गु. र. क्र. १८/२०२५ भारतीय न्याय संहिता कलम ३३६(२) ३३६(३) ३३८, ३१८ (४) ६१ (२) सह माहिती तंत्रज्ञान अधिनियम २००० चे कलम ६५, ६६ (क), ६६ (ड) अन्वये गुन्हा दाखल करण्यात आला.
प्रणय अनिरुध्द जैस्वाल, वय ३० वर्षे, राह. नालासोपारा पूर्व, पालघर, साहिल खोकोन शेख, वय २४ वर्षे, राह. मालाड पश्चिम, मुंबई,मुकेश गजानन पालांडे, वय ४० वर्ष, राह. नालासोपारा पुर्व, पालघर, आशिष प्रभाकर ससाणे, वय २८ वर्षे, राह. सांताक्रुझ पुर्व, मुंबई,चांद शिवदयाल बर्नवाल, वय २७ वर्षे, राह मीरा रोड पुर्व, ठाणे,सादिक अहमद खान, वय २४ वर्षे, राह. मालवणी, मालाड पश्चिम, मुंबई,समिक्षा शंकर सोनावले, वय २४ वर्षे, राह खर्डीपाडा, ठाणे अशी या संशयितांची नावे असून न्यायालयाने या संशयितांना दिनांक १८ फेब्रुवारी पर्यंत पोलिस कोठडी सुनावली आहे.

सदर गुन्हयामध्ये इसम नामे पाहिजे आरोपी बिपीन साहु व रॉन उर्फ शादाब हे पाहिजे आरोपी असून ते सदर गुन्हयातील फसवणूक झालेल्या रकमेचे व्यवस्थापन करीत होते. तसेच त्यांचेकडे असलेली तांत्रीक पथक हे अमेरिकेतील नागरिकांची वर नमुद केल्याप्रमाणे फसवणूक करीत होते.

सदरची कारवाई ही  पोलीस आयुक्त संदीप कर्णिक , नाशिक यांचे सुचनेनुसार,  पोलीस उप आयुक्त, गुन्हे प्रशांत बच्छाव यांच्या मार्गर्शनाखाली   सहायक पोलीस आयुक्त संदिप मिटके यांचे नेतृत्वात  सायबर पोलीस ठाण्याचे वरिष्ठ पोलीस निरीक्षक सुभाष ढवळे, सहा. पो. निरीक्षक प्रतिक पाटील व सपोनि. धिरज गवारे, स. पो. उप नि. चव्हाणके, पो.ह. मनिष धनवटे, पो.ह.मनोज पाटील, म. पो. शि. पठारे, पो. शि. विकास पाटील यांनी यशस्वीरित्या पुर्ण केली.