दुपारनंतर पंकज भुजबळ होणार आमदार, छगन भुजबळ यांना वाढदिवसाची भेट ; आज दुपारी १२ वाजता राज्यपाल नामनियुक्त सात विधान परिषद सदस्यांचा शपथविधी; – उपसभापती डॉ नीलम गोऱ्हे शपथ देणार

दुपारनंतर पंकज भुजबळ होणार आमदार, छगन भुजबळ यांना वाढदिवसाची भेट ;

आज दुपारी १२ वाजता राज्यपाल नामनियुक्त सात विधान परिषद सदस्यांचा शपथविधी

– उपसभापती डॉ नीलम गोऱ्हे शपथ देणार

मुंबई प्रतिनिधी

महाराष्ट्राचे आर्मस्ट्रॉंग नेते, अन्न पुरवठा, ग्राहक सरक्षण मंत्री छगन भुजबळ यांचे सुपुत्र, नांदगावचे माजी आमदार पंकज भुजबळ हे आज दुपारी 12 वाजता विधान परिषद सदस्य म्हणून शपथ घेणार आहेत. छगन भुजबळ यांचा आज वाढदिवस असून महायुतीने पंकज यांना  विधानसभा सदस्यत्व बहाल करून वाढदिवसाची भेट दिल्याची चर्चा आहे.

विधान परिषदेसाठी राज्यपाल नामनियुक्त सात सदस्य आज दिनांक १५ ऑक्टोबर रोजी दुपारी १२ वाजता उपसभापती डॉ.नीलम गोऱ्हे यांचेकडून सदस्यत्वाची शपथ घेतील.विधान भवन मुंबई येथील मध्यवर्ती सभागृह येथे हा शपथविधीचा कार्यक्रम होईल. आज शपथ घेत असलेल्या नामनियुक्त सन्माननीय सदस्यांची नावे पुढीप्रमाणे – १) श्रीमती चित्रा किशोर वाघ २) श्री विक्रांत पाटील ३) श्री धर्मगुरू बाबुसिंग महाराज राठोड ४) श्री पंकज छगन भुजबळ ५) श्री इद्रिस इलियास नाईकवाडी ६) श्री हेमंत श्रीराम पाटील ७) डॉ श्रीमती मनीषा कायंदे.

…