प्रहार जनशक्ती पक्ष विधानसभा निवडणूक लढविणार ; मुंबईच्या राज्यस्तरीय बैठकीत ठराव ,संभाजी नगर आंदोलनाचीही मोर्चेबांधनी
प्रहार जनशक्ती पक्ष विधानसभा निवडणूक लढविणार ;
मुंबईच्या राज्यस्तरीय बैठकीत ठराव ,संभाजी नगर आंदोलनाचीही मोर्चेबांधनी
सिन्नर प्रतिनिधी
मुंबई स्थित यशवंतराव चव्हाण प्रतिष्ठान येथे झालेल्या राज्यस्तरीय बैठकीत प्रहार जनशक्ती पक्षाने विधानसभा निवडणूक लढवावी तसेच दिव्यांग ,शेतकरी महिलांवर होणाऱ्या अन्यायावर सखोल चर्चा करून ९ जुलै रोजी संभाजी नगर येथे लाखोंचा मोर्चा काढण्याचा ठराव सर्वानुमते मंजूर करण्यात आला.संस्थापक अध्यक्ष बच्चू कडू यांच्या आदेशाने या बैठकीचे आयोजन करण्यात आले होते. प्रहार जनशक्ती पक्षासह दिव्यांग संघटनेचे पदाधिकारी बैठकीला उपस्थित होते.
नामदार बच्चुभाऊ कडू ,प्रदेशाध्यक्ष अनिलजी गावंडे, आमदार पटेल ,प्रदेश सचिव रामदास खोत आदींनी या बैठकीला मार्गदर्शन केले. जनशक्ती पक्षाचे नाशिक जिल्हा अध्यक्ष शरदचंद्र शिंदे उत्तर महाराष्ट्र संपर्कप्रमुख दत्तू भाऊ बोडके ,नाशिक शहर जिल्हाध्यक्ष अनिल भडांगे ,महाराष्ट्र समन्वयक संध्या जाधव ,उत्तर महाराष्ट्र दिव्यांग अध्यक्ष जोकप पिल्ले यांच्या नेतृत्वाखाली नाशिक ग्रामीण व शहरांमधील जवळपास सर्वच तालुकाध्यक्ष शहराध्यक्ष वरिष्ठ पदाधिकारी बैठकीला उपस्थित होते.
सिन्नर तालुकाध्यक्ष कैलास दातीर व ज्येष्ठ नेते भाऊसाहेब सांगळे हे सिन्नर विधानसभेची जागा प्रहार पक्षाने लढावी यासाठी आग्रही असून प्रदेशाध्यक्ष व इतर नेत्यांना जिल्हाध्यक्षांमार्फत साकडे घालत आहेत. कैलास दातीर भाऊसाहेब सांगळे हे उमेदवारीसाठी स्वतः इच्छुक असून वरिष्ठांच्या भेटीगाठी घेत आहेत.
सिन्नर तक्रार निवारण समितीचे अध्यक्ष गणेश म्हस्केही विधानसभा निवडणूक लढविण्यासाठी आग्रही आहेत.ही मागणी केली आहे उमेदवारी मिळण्यासाठी यावेळेस शरद शिंदे दत्तू बोडके अनिल भडांगे अमजद पठाण संध्या जाधव जॅक ऑफ पिल्ले संतोष मानकर रवींद्र आप्पा टिळे कैलास दातीर भाऊसाहेब सांगळे चंद्रकांत डावरे गणेश म्हस्के सुनील वाघ जितेंद्र देवकर पांडुरंग आगळे दत्तात्रय लोंढे कळमकर सोनू खांडबहाले यांच्यासह जिल्ह्यातील अनेक मान्यवर बैठकीला उपस्थित होते .
