अनाथ चिमुकल्यांच्या डोक्यावर आधाराचे छत उभे करून  आयुष्य “समर्थ” बनवणारी “सावली”

जयराम शिंदे तसे शेतकरी कुटुंबातील , एक शिस्तप्रिय, समर्थ चरणी लीन, पदवीधर आणि नेतृत्व करणारे दादा म्हणून पंचक्रोशित प्रसिद्ध. संस्कारी वातावरनात बालपन गेले असल्याने मोठे पणी काही तरी करून दाखवावे, ही जिद्द मनात होतीच. यात लहान मुलांची विशेष आवड असल्याने वडिलांच्या निधनानंतर त्यांच्या नावाने कै. देवराम कारभारी शिंदे फाऊंडेशन अंतर्गत त्यांनी समर्थ सावली हे. बाल संगोपन केंद्र अनाथ मुलंसाठी सुरु केले. आज २६ जानेवारी रोजी समर्थ सावलीच तिसरा वर्धापन दिवस आहे. यासोबतच जयराम शिंदे यांचा वाढ दिवस पण आहे.

राष्ट्रवादी काँग्रेसचे एक कार्यकर्ते,युवा तालुकाध्यक्ष, आणि सध्याचे तालुका कार्यध्यक्ष ही सगळी पदे ही त्यांनी केलेल्या उल्लेखनीय कामाची पोहच पावती आहे. तरीही त्यांची खरी ओळख ही आज समर्थ सावली मध्ये असलेल्या २६ मुलांचे पालक अशीच अधिक  आहे. मुलांच्या सर्वांगीण विकासासाठी वेळोवेळी व्याख्यानमाला, आरोग्य शिबिर, क्रीडा,संगीत,गायन या जोडीने अध्यात्म यांची योग्य सांगड ते घालतात. या प्रत्येक कामात ते स्वतः. सहभागी असतात, म्हणूनच म्हटले आहे त्यांचे स्वप्न ते एन्जॉय करतात. कोणताही गाजावाजा न करता पदरमोड करून आपलेच कुटुंब आपण चालवतोय , याला कशाला हवी प्रसिद्धी? समर्थ सावली मधील मुलं सनाथ आहेत कारण त्यांच्या.सोबत त्यांचा जयराम दादा आहे.

खरं तर साधारण सहा सात वर्षांपूर्वी जयराम दादाने या समर्थ सावलीचे प्रारूप सांगितले तेंव्हा मनातल्या मनात हसू आवरता आले नाही. बोलेल तो करील काय अशी समाजाची धारणा मला हसवत होती. आज अवघ्या तीन वर्षात  या ठिकाणी उभा राहिलेला एक टूमदार बंगला, स्विमिंग पुल, लॉन सगळे काही एखाद्या सुखवास्तुसारखे. एखाद्या मध्यम वर्गीय श्रीमंत कुटुंबाला आवश्यक त्या साऱ्या सोयी सुविधा याठिकाणी उपलब्ध आहेत. फरक फक्त एव्हढाच की, इथे समाजाने अनाथ केलेली चिमुकली सनाथ म्हणून आपल्या आयुष्याचे एकेक पाऊल हसत खेळत, शिकत पुढे टाकत आहेत.हे वास्तव पाहिल्यानंतर तिसऱ्या वर्धापन दिन आणि जयराम दादाच्याही वाढदिवसाच्या शुभेच्या देतांना सहा सात वर्षांपूर्वीचे माझे ते आश्चर्य मिश्रित हास्य मलाच वाकुल्या दाखवून चिडवत आहे.

पुन्हा एकदा आपली दुनियादारी परिवाराकडून समर्थ सावली आणि चिमुकल्यांच्या जयराम दादाला मनःपूर्वक शुभेच्छा!