स्पष्ट वक्ते अजित पवार : एका कार्यक्षम युगाची पहाट! …..

स्पष्ट वक्ते अजित पवार : एका कार्यक्षम युगाची पहाट!

…..

महाराष्ट्राच्या राजकारणात काही व्यक्ती पदांमुळे मोठ्या होत नाहीत,तर त्यांच्या निर्णयांच्या ठामपणामुळे कायमस्वरूपी काळावर ठसा उमटवतात.

अजित पवार हे अशाच नेत्यांपैकी एक.

त्यांच्या नावाशी वाद जोडले गेले,

तितक्याच ठामपणे निर्णयक्षमता, प्रशासकीय पकड आणि वेळेची शिस्तही उपजत जाणवत गेली.

ते भावनिक भाषण करणारे नेते नव्हते;

ते फाईल मार्गी लावणारे, निर्णय घेणारे आणि काम करून दाखवणारे नेते होते.

आज जर असा नेता आपल्यातून निघून गेला,

तर तो केवळ एका व्यक्तीचा अंत नसून

महाराष्ट्राच्या प्रशासकीय आत्मविश्वासाला बसलेला मोठा धक्का ठरतो.

पाण्यापासून सत्तेपर्यंतचा प्रवास

सिंचन, पाणी, वीज, अर्थसंकल्प हे शब्द त्यांच्या राजकारणाचे केंद्रबिंदू होते.

राजकीय मतभेद बाजूला ठेवले,

तर विरोधकही मान्य करतात की

सिंचन क्षेत्रात निर्णय घेण्याची हिंमत अजित पवारांकडे होती.

कोरडवाहू भागांना पाणी मिळावे,

शेतकऱ्याच्या हातात पैसा यावा,

आणि राज्य चालवताना आकड्यांवर नियंत्रण राहावे

ही त्यांची भूमिका होती.

“दादा” ही केवळ हाक नव्हती

कार्यकर्त्यांसाठी ते दादा होते,

अधिकाऱ्यांसाठी कठोर बॉस,

आणि सत्तेसाठी अडथळा न बनणारा वास्तववादी खेळाडू.

 

अजित दादांच्या गैरहजेरीत महाराष्ट्राचे नुकसान

 

निर्णय घेणारा मजबूत प्रशासक

संकटात वेळ न घालवणारा नेता

आणि राजकारणाला भावनिक नव्हे, तर व्यवहारिक पातळीवर पाहणारी बुद्धी महाराष्ट्राच्या राजकारणात नसेल तर

राजकारणात मोठी पोकळी निर्माण होईल..

नेते येतील,

भाषणं होतील,

घोषणा होतील—

पण अजित पवारांसारखी थेट निर्णय घेण्याची धार

सहज निर्माण होत नाही.

त्यांची अनुपस्थिती म्हणजे

राजकारणात वाढलेली अनिश्चितता,

प्रशासनात कमी झालेली पकड

आणि सत्तेत निर्माण झालेली शांत पोकळी.

आज महाराष्ट्र एका अशा क्षणाशी उभा आहे

जिथे माणसापेक्षा त्याच्या कामाची किंमत अधिक जाणवते.

अजित पवार हे नाव

वादांमुळे नव्हे,

तर निर्णयांमुळे लक्षात राहील.

कारण काही माणसं जातात,

पण त्यांच्या कामाचा आवाज

राज्याच्या कारभारात

खूप काळ घुमत राहतो.