मालेगांव मनपाच्या १४ अधिकारी कर्मचाऱ्यांवर एसीबीची धाड; भ्रष्टाचार, अपसंपदेचा गुन्हा दाखल झाल्याने खळबळ
मालेगांव मनपाच्या १४ अधिकारी कर्मचाऱ्यांवर एसीबीची धाड;
भ्रष्टाचार, अपसंपदेचा गुन्हा दाखल झाल्याने खळबळ
मालेगाव प्रतिनिधी
माहिती अधिकार कार्यकर्ते तुषार पाटील यांच्या तक्रारीवरुन लाचलुचपत प्रिबंधक विभागाचे पोलीस महासंचालक महाराष्ट्र राज्य मुंबई यांच्या आदेशान्वये नाशिक विभागाच्या पोलीस अधीक्षक श्रीमती शर्मिष्ठा घाडगे वालावलकर यांचे मार्गदर्शनाखाली मालेगाव व नाशिक येथे मालेगांव महानगर पालिकेच्या अनेक आजी माजी आधिकाऱ्याच्या निवासस्थानी एसीबीने धाडसत्र राबविल्याने जिल्ह्याभरात खळबळ उडाली आहे. याबाबत प्राप्त माहिती अशी की,
:-हे आहेत एसीबीचे संशयित :-
1) कैलास राजाराम बच्छाव, शहर अभियंता, मालेगांव मनपा,
2) . मुरलीधर हरी देवरे (सेवानिवृत्त), तत्कालीन कनिष्ठ अभियंता , मालेगांव मनपा
3) . संजय जनार्दन जाधव तत्कालीन कनिष्ठ अभियंता, मालेगांव मनपा
4) . राजेंद्र काषिनाथ बाविस्कर (सेवानिवृत्त) तत्कालीन उप अभियंता, मालेगांव मनपा
5) सोहेल अब्दुल रहेमान मासुमअली शहा खाजगी इसम
6) दिनेश आनंदराव जगताप, विभाग प्रमुख, के.बी.एच. पाॅलेटेक्नीक,
मालेगांव
7) निलेश हिरामण जाधव, तत्कालीन कनिष्ठ लिपिक, मालेगांव महानगर पालिका
8) अशोक ओंकार म्हसदे,तत्कालीन लेखा परिक्षक(सेवानिवृत्त),
मालेगांव महानगर पालिका
9) सुहास वसंत कुलकर्णी, तत्कालीन कनिष्ठ लिपिक, मालेगांव महानगर पालिका
10) कमरूद्दीन शमषुद्दीन शेख, तत्कालीन लेखा अधिकारी
(सेवानिवृत्त), मालेगांव महानगर पालिका
11) . सुनिल दत्तात्रय खडके, तत्कालीन कनिष्ठ लिपिक, मालेगांव
Advertisement
महानगर पालिका,
12) . मधुकर अशोक चौधरी , कनिष्ठ लिपिक, (सेवानिवृत्त), मालेगांव मनपा
13). उत्तम माधवराव कावडे, मुख्य लेखा परिक्षक (सेवानिवृत्त), मालेगांव
महानगर पालिका
14) केदा रामदास भामरे, कनिष्ठ लिपिक, मालेगांव महानगर पालिका
15) कृष्णा वळवी (मयत), तत्कालीन उपायुक्त
*राजाराम बच्छाव, शहर अभियंता
या पंधरा संशयितांपैकी 14 लोकसेवकांनी स्वतःच्या पदाचा व अधिकारांचा दुरूपयोग करून त्यांना नेमुन दिलेले काम न करता बी. वाय. शाह फर्मचे ठेकेदार सोहेल अब्दुल रहेमान मासुमअली शाह यांनी केलेल्या कामाचे मुल्यमापन न करता शासन निधीचा योग्य प्रकारे सुविनीयोग होण्यासाठी प्रत्यक्ष कामावर झालेला खर्च आणि कामे तपासुन पाहणे ही आरोपीतांची प्रशासकीय जबाबदारी असतांना, ती जाणीवपुर्वक टाळुन, त्यांनी सदर देयकांची रक्कम बी. वाय. शहा फर्मचे ठेकेदार सोहेल अब्दुल रहेमान मासुमअली शहा यांना अदा करून गुन्हेगारी वर्तन करून स्वतःचा आर्थिक फायदा केला. त्यायोगे शासनाचे तसेच मालेगांव महानगर पालिकेच्या निधीतील रक्कम रू. 20,68,607/- (वीस लाख अडुषश्ठ हजार सहाशे सात रूपये) रुपयांचे आर्थिक नुकसान (अपहार) केल्याचे चौकशी दरम्यान निष्पन्न झाले आहे.त्यावरून प्रस्तुत प्रकरणात वर नमुद 1 ते 15 आरोपीत यांचेविरूध्द भ्रष्टाचार प्रतिबंधक सन 1988 चे कलम 13 (1) (अ) सह व भा.दं.वि. कलम 409, 420, 468, 471, 34 अन्वये दिनांक 26/०८/२०२४ रोजी 20.16 वाजता गुन्हा दाखल करण्यात आला आहे. या प्रकरणाचा तपास राजेंद्र सानप, पोलीस निरीक्षक, ला.प्र.वि. नाशिक यांनी केला असून पोलिस अधीक्षक शर्मिष्ठा घारगे-वालावलकर, अप्पर पो. अधीक्षक माधव रेड्डी, वाचक पो. निरीक्षक स्वप्नील राजपूत वाचक पोलीस निरीक्षक यांचे त्यांना मार्गदर्शन लाभले.
